خناقه على جناح بعوضه !!عجبى

خناقه على جناح بعوضه !!عجبى



[center]السلام عليكم ورحمة الله وبركاته

- خناقة على جناح بعوضة ! إزاى ده !


- هو فيه خناقة على جناح بعوضة ؟

- يعنى خناقة عشان خاطر جناح بعوضة ؟!

- آه والله

- طيب وهو جناح البعوضة يستاهل لدرجة ان الناس تتخانق عليه ؟


- لا والله

- طيب وإن كانت الخناقة على شئ أقل من جناح البعوضة ... فما قولكم ؟

- هو فيه شئ أقل من جناح البعوضة ؟!

- نعم ... إنها [size=21]الدنيا !!

فقد قال رسول الله صلى الله عليه وسلم : { لو كانت الدنيا تعدل عند الله جناح بعوضة ما سقى كافراً منها شربة ماء }

وقال رسول الله صلى الله عليه وسلم : { الدنيا ملعونة ملعون ما فيها إلا ذكر الله وما والاه وعالماً أو متعلماً }

وقال رسول الله صلى الله عليه وسلم : { الدنيا سجن المؤمن جنة الكافر }

وقال رسول الله صلى الله عليه وسلم : { ما الدنيا فى الآخرة إلا مثلما يضع أحدكم إصبعه فى اليم فلينظر بما يرجع }

لما تعرف ان هو ده قدر الدنيا .. فسوف تهون عليك الدنيا كلها بما فيها

الدنيا مش محتاجة اننا نكشر ولا نزعل ولا نتضايق

مش محتاجة غير نعرف قدرها إيه وقدر الآخرة إيه

الدنيا ما تستاهلش حاجة

لما حبيبك النبى صلى الله عليه وسلم - اللى هو أعرف خلق الله بالله .. وأعلم الناس بقدر الدنيا .. وأعلم الناس بقدر الآخرة - لما يكون هو ده قدر الدنيا عنده صلى الله عليه وسلم ... يبقى لازم احنا كمان يكون هو ده قدر الدنيا عندنا .. وإلا نبقى بنخالف هدى النبى صلى الله عليه وسلم

المؤمن ينظر إلى الدنيا بعين الرسول عليه الصلاة والسلام

النبى بيقول كذا .. اذن أنا أنظر بعينيك يا رسول الله

اللى انت شايفه من الدنيا .. هو اللى أنا شايفه من الدنيا يا رسول الله

اوعى لو فاتك شئ من الدنيا تفتكر انه فاتك شئ كبير !!

لان انت كدة بتعظم شئ حقره الله عز وجل

ربنا - اللى خلق الدنيا - بيقول لك : ( وَمَا الْحَيَاةُ الدُّنْيَا إِلا مَتَاعُ الْغُرُورِ ) .. سورة آل عمران - الآية 185

تقول له : ياربى أنا هأبكى على متاع الغرور !!

يــعـــطـــيــــك الـــف الــــف عــــافــــيـــــة عـــلـــى الــمـــــــــوضـــوع الـــجـــمـــيــــــــــــــــــــل