اسرار التوفل..

السلام عليكم ورحمة الله وبركاته


وصلني هالايميــل والحمدالله مااحتاجه بس بحطه لكم .


اسرار التوفل...
__________
السلام عليكم ورحمة الله وبركاته ..
من إيميلي لكل من يرغب باجتياز امتحان التوفل ..
احم ..



اولا ..ملاحظات ..(اذا ماتبون سوو لها سكب وانزلوا لثانيا بس راح اغضدب عليكووو ليووم القيامه ..تسنعوا واقروا الملاحظات احسن لاطخكم عيارين ))

1-الايميل راح يكون مرفق ببرنامج توفل وكتاب اسرار التوفل الكتاب لاتعطونه وجه ماراح تفهمون منه شي بس اهم النقاط اللي فيه عن الستراكشر والقواعد راجعوها زين وبس للي مستواهم الانجليزي عالي ويبون يجيبون 550 او 600 بيفيدهم الكتاب ..خلينا حنا هل ال500 وال450 ...بس راجعوا القرامر .
رابط البرنامج ..

لتحميل البرنامج



http://rapidshare.com/files/16717874...OEFL.part1.rar



http://rs309.rapidshare.com/files/16...OEFL.part2.rar

الكتــاب ..


http://almaten.info/elibrary/open.php?cat=10&book=156


2-التوفل بتاريخ 2-5-2990
عندكم 23 يووم ابتداء من هالتاريخ تجهزون نفسكم وتعدون العده تجهيز انفسكم يكون عن طريق عده امور ..اهم شي حفظ 10 كلمات انجليزيه جديده يوميا لاتقولون ماعندنا وقت وامتحانات وخرابيط ..التوفل راس ماله رصيدج في معرفه الكلمات ..وبدل لاتابعون ستار اكاديمي خليكم مع توفل اكاديمي احسن بدل لاتضيعون سنتين من حياتكم في التاسيسي ..
حفظ الكلمات طبعا مب تحفظين كلمه ومعناها وخلصنا ..لا ارجوكم ..
حفظ الكلمات يكون كتابه ونطقا ومعنى وتحطينها في خمس جمل صحيحه علشان ترسخ في مخكم الجميل (مابي اسب ) .,,
والمهم جدا ان تقرأين يوميا شي انجليزي ونصيحتي ..جريده الغالف تايميز..
http://www.gulf-times.com
3- بلييز قبل عمل فرواد للايميل اتمنى تمسحون االايميلات ولكم مني جزيل الشكــر ..
4- البرنامج المرفق اتمنى انج تتدربين عليه مرتين اسبوعيا اذا ماعندج وقت ..يوميا اذا عندج وقت لانه مهم جدا تحسنين مهاراتج في الحل وسرعه البديهه .

والحــــين ..


ثانـــيا .. :
مع اسرار التوفـــل ..
___________

التوفل عباره عن امتحان قدرات في الريدنق والليسننج والستراكشر اللي هو القرامـر .

العامــل الاساسي للتوفل هو الوقــت ..لانهم لو اعطونا وقت زياده بنقدر نجيبه لكن بما انا الوقت عندنا
محدود مستحــيل نجيبه الا بمعجزه ..

-1-
فبتكلم عن اول سر هو ادارة الوقت في امتحان التوفل ..
في الاستماع :
المحادثات القصيره
طبعا الوقت مايمدي انج تقرأين الاختيارات كلها لان على طول ينتقل السؤال الثاني..
علشان نفتك من هالمعضله لما يطلبون منج قراءه التعليمات ويعطونج دقايق ..اقري اجوبه السؤال الاول . وخذي فكره عن الاجوبه ..ولو مايقولون السؤال الاول حليه وعلى طول انتقلي لاجوبه السؤال الثاني واقريها .
المعضله انه مافي سؤال جدامج بس الاجوبه ...فركزي دائما تسمعين السؤال ..
في المحادثات الطويله ..
طبعا البعض مثلي راح يسرح ويمل ..والخ..نصيحه .انتبهي على كل كلمه وحاولي تكون عندج ورقه بيضا تكتبين فيها افكار عن اللي تسمعينه واكتبي بالعربي او بالسهل عليج علشان ماتضيعين وقت فالسبيلنغ ...ولما يقول الاسئله ركزي وحلي...

في القرامر .(الستراكتشر )
الوقت قصير جدا ..فحاولي تركزين على حل 25 سؤال صح ثقه .. وبعدين تفرغي للباقي وبتنصدمين انه بيقولج خلص الوقت ..طنشي لما يقولون اقري التعليمات للريدنق لاتقرينها حاولي ترجعين وتحلين شوي من القرامر ولاتقعدين تحلين القرامر كله وتضيعين وقت الريدنق ..فاول مايقولون ابدوا بالريدنق ابدي بالريدنق وطنشي القرامر ..

الريدنق . ...
عندج للريدنق بس45 دقيقه و5 فقرات !..يعني 5 دقايق لكل فقره
طبعا تقرين كل فقره بتكون مأساه متى بتخلصين ؟؟...
روحي للاسئله واقريها وروحي سوي سكاننق دوري الفكره وجاوبي بسرعه الوقت مأساه لازم تحلين بسرعه وماتتلكعن ولازم تطورين هالمهاره عندج ببرنامج التوفل المرفق مع الموضوع ..
المهم ..لما يقول بقى لج 5 دقائق ..طبعا 5 دقائق تحلين فيها كم سؤال ؟؟؟1 او 2 ؟؟ ماتقدرين .سووو.بس يقول لج 5 دقائق على طول لفي الورقه كل الاسئله اللي ماحليتيها ومااسعفج الوقت تحلينها بالقرامر كملي حلها عشوائي اختاري مثل ماتبين او اختاري حرف واحد مثل ماتبين وروحي لأجوبه الريدنق كملي الاختيارات عشوائيه ..بهالطريقه تضمنين درجات اذا طلعت الاختيارات صحيحه .

-2-

اسرار التوفل

Listening

1- دائما استمعي بتركيز للسطر الثاني من المحادثات القصيره .
Always listen to the 2nd line >
2- Synonyms :same meaning
مثال :
She is uncertain
a-not sure
b- sure
c- certain
d- certainly
طبعا الاجابه بتكون الف لان
Un=النفي
Certain=sure ..

3- (_) (_) =+
فاهمين ؟؟ النفي والنفي = التاكيد ..
مثال :
This test is not impossible to pass
a-we can impossible
b- we can’t pass
c- it is impossible
d-we can pass it
الاجابه بتكون د .لان
Im,in,not دايما تنفي الكلمة
4-انتبهي دائما لنبره الصوت للمتكلم ..فرحان حزين متحمس مش متحمس دائما تساعدج في ايجاد الحل وايضا يمكن يسألج اذا هو زعلان ولا متحمس ..
4- لما يسأل هل الشخص الثاني يوافق على كلام الشخص الاول ..طبعا انتي ماتكونين مركزه واحيانا يجيب اسئله مخفيه ..مثل يسألج عن شي ماتكلموا عنه ومااعطوا اجابه صريحه ...لازم تركزين بهالامور ..وتفهمين المعنى الخفي ومن الكلمات الداله على الموافقه اذا سمعتيه يقول :
I’ll say,you can say that again ,me too ,so I do .
____
احيانا يسألج اذا المتحدث حصل على مراده ..في كلمات اذا سمعتيها تكون الاجابه لا ..مثل اذا قال
1- I wish/hope I pass in the exam =did not pass.
2- If I had seen /listend = he didn’t


واخيرا اانتبهي لزمن الفعل بالماضي بالحاضر او في المستقبل ...

اسرار التوفل في
Reading

__________
1-
الفكـره الاساسيه =
Main idea

دائما تكون بأول سطرين أو آخر سطرين .

3- لما يقول السطر 16 ويعطي السؤال عن كلمه إلى من تشير الاجابه تكون حول هالسطر ,,,فوقه اوتحته .
4- Implied (هالكلمه لما تجي يعني شتعلمتي من رايج الشخصي .. اقرأي اول سطرين واخر سطرين وكم سطر بالنص واختاري اللي تبين تحسينه قريب من المعنى ...)) في سؤال ثاني أي من الاشياء التاليه تم ذكره في النص أو لم يذكر (هالسؤال يبي لج تقرن الفقره كامله ..نصيحه لاتضعين وقتج على سؤال انتقلي للسؤال الثاني ..الا اذا عندج وقت ))..
5- How are the idea organized


a- Describe

(في هالحاله اذا كان نوع الفقره تاريخي ولا حدث ولا عمليه وخطوات وتغييرات او يتكلم عن صناعه القهوة او اي شي )

b- Compare &contrast
مقارنه بن شيئين ..
c- Cause and effect
المسبب واثاره مثل التدخين واثاره ..
d- Classify (I faction)
تصنيف مثل الحيوانات وانواعها الخ
e- Agremment =refuse
(اذا الفقرات ناقضت بعضها فقره تتكلم عن ايجابيات وفقره عن سلبيات...ملاحظه فقرات مب اسطر ..))

f- Narrate (الراوي او واحد يروي القصه ))



ثالثا
القواعد الستراكتشر ..

(ماعندي وايد بس اهم شي
تذكري دائما ان الجمله الصحيحه لازم يكون فيها اهم شي فاعل وفعل ....
S+V
تأكد انهم موجودين ..
الصفه والحال ..الصفه لازم تجي قبل الاسم والحال مب مشكله يجي في الاخير بروحه ..
مثال
He is a ___ man
a-great
b- greater
c- greatly
d- greats
الاجابه طبعا الف لانها صفه يعني مجرده ..
راجعواا القواعد مع مدرسينكم او من الكتب الدراسيه ..وبكتاب اسرار التوفل المرفق في بعض النصايح عن القواعد ممتازه ....




وتم بحمد الله

يعطيك الف الف عافية على الموضوع الاكثر من جميل