ما هي مميزات مدينتك وعيوبها / بريطانيا /1

الأحبة المغتربات
نيوكاسل Newcastle upon Tyne

تقع في شمال إنجلترا على نهر التاين (مو التايم)




ميزاتها:

مدينة هادئة ومنظمة وآمنة

وفيها مترو .. المترو مو متوفر في كل مدن بريطانيا

أرخص من غيرها "رغم انها غاااالية" ..

لكن كل مارقيتي للشمال كل مارخصت الأسعار

متوسط سعر البيوت 600 والشقق 400 .. هذا المتوسط

لكن فيه بيوت وشقق أسعارها فلكية ..!!

مليااااانة سعوديين << هذي ميزة عند البعض .. وعند البعض الآخر عيب ..

عيوبها:

بعيدة عن لندن بينهم 3 ساعات بالقطار لو ما وقف و 5 - 6 لو كان له وقفات

و 5 ساعات بالسيارة لكن بالطيارة 50 دقيقة تقريباً




أهل نيوكاسل يتكلمون اللهجة الجوردية وهي لهجة محلية صعب فهمها

للأسف في دراسة نشرت مؤخراً على البي بي سي تقول ان أهل نيوكاسل هم أقذر الشعب الإنجليزي

هذي شوية معلومات ومواقع ممكن تفيد اللي بيزورون المدينة

هالموقع مكتوب فيه كل شي عن نيوكاسل
ووش الفعاليات الموجودة في ذاك اليوم وبعض الأماكن الحلوة للزيارة

http://www.newcastlegateshead.com/Accommodation.php?

وهذا الموقع ممتاااااااااااااز
بعد فيه كل شيء عن نيوكاسل .. أماكن التمشية الطبيعية
أنت بس اضغطي هالصورة وتعرفين معلوماتها

http://www.monkchester.co.uk/index.htm

هذا موقع لفنادق نيوكاسل
http://www.holidaycityeurope.com/newcastleupontynehotels/

السكن:
منطقة الكنقستون بارك Kingston Park
أكثر السعوديين فيها
لقربها من المدرسة السعودية وبعض المرافق المهمة
المنطقة حلوة مرررة

يليها في تجمع السعوديين سكن الجامعة
وفيه مجموعة ساكنين في منطقة القيتس Gateshead أو السنتر .. عالنهر
منطقة القيتس هيد يوجد فيها ثاني أكبر تجمع لليهود في العالم
على حسب كلام المدرّسة

منطقة فانام Fenham
فيها مسلمين كثااااار عرب وباكستانيين وفيها محلات باكستانية كثيرة
المنطقة من أرخص المناطق في نيوكاسل لكن حسب رأي الكثير .. مو آمنة ..!!

منطقة الكنتون Kenton
برضة مو آمنة مرة .. فيها أردى أنواع شعب نيوكاسل

المساجد
فيه كثير مثل مسجد الجامعة وغيره
بس والله ما عندي فكرة عن النشاطات الإسلامية فيها

الجامعات:

جامعة نيوكاسل
http://www.ncl.ac.uk/

جامعة نورثامبريا
http://www.northumbria.ac.uk/

كلية نيوكاسل
http://www.ncl-coll.ac.uk/

وفيه غيره من الكليات مثل كلية كنتون .. لكن هذا اللي أعرفه

التسوق:
السيتي سنتر
المترو سنتر
وغيرهم



أماكن تستحق الزيارة في نيوكاسل

* عندنا alnwick garden
تبعد 30 ميل شمال نيوكاسل

هذا موقعهم
http://www.alnwickgarden.com/

وهذا البوست كود
NE66 1YU

* بيميش: beamish
متحف مفتوح
تشوفون فيه نسخة قديمة من الحياة يمثلونها على الواقع ..
مرة يجنن
يسوون قدامك الحلويات القديمة وتشوفين البيوت والرجال يشتغلون
والبنوك القديمة .. وأشياء كثيرة

http://www.beamish.org.uk/Home.aspx


* ليزس بارك Leazes Park
NE1 4LR

يوسع الصدر
موقعه جنب ملعب "سانت جيمس بارك"
شوفوا سور الملعب على اليسار




* جيسموند دين Jesmond Dene
NE7 7BQ
عبارة عن حدائق وممشى
مهوب شين فيه أنهار وحركات بس ملياااان كلابة - تكرمون -
عاد يقولون ان طبيعي يجي ذاك اليوم لأنه كان يوم أحد
وفيه حيوانات ثانية لكن في حضيرتها

* جسر الملينيوم أو الألفية millenium bridge
أهم معلم في نيوكاسل





* جنب الجسر متحف للفن المعاصر إذا تحبون هالحركات اسمه Baltic




الأسواق:

* المترو سنتر NE11 9YG
عبارة عن مول كبير من أكبر المولات على مستوى بريطانيا
كان أكبر مول حتى بنوا ترافورد اللي في مانشستر
مقسم أربع أقسام كل قسم له لون
أزرق أحمر أخضر أصفر
واللي في الوسط معروف باللون الرمادي

فيه دبنهامز، هاوس أوف فريزر، ومحلات كثيييييير ومطاعم وسينما و و و إلخ
و ملاهي في المترو سنتر بس كأني أشوف فيها ترميمات هالأيام ..!!


* السيتي سنتر عبارة عن شارع عليه أسواق
الشارع ميزته انه داخلي أقصد ماتدخل فيه السيارات مرة ونييييس
اسم الشارع نورثمبرلاند Northumberland Street



فيه محلات كثييييرة .. من ضمنها
فينيك Fenwick
H&M, T.K.maxx, Bhs, Marks & Spencer.. إلخ
وعليه شوية مطاعم يعني مو مطاعم أقصد برقر كنج و قرقز وماشابه

وبتشوفون الإلدون سكوير
يعتبر مول .. على نفس الشارع وفيه محلات كثيرة
من ضمنها جون لويس والله نسيت الباقي بس مجموعة كبيرة



* سوق الأحد Newcastle Quayside Sunday Market جنب الجسر


* المطاعم .. أكثر مطعم أعشقه ناندوز ..
حنا دايم نروح للي في المترو سنتر
كل مطاعمهم في الركن الأزرق
و المصلى نقلوه من الركن الأصفر للأزرق


* مطعم فرايديز .. ماقد رحت له بس يمدحونه .. مارحت له بسبب المكان
يعني كله ناس مهبببببل ..!!

* الباشا نجيب منه بس ماقد رحت له ..
أصلاً ما أدري هو فيه مكان ينراح له ولا لأ
Basha Grill House
37, Groat Market, Newcastle Upon Tyne, Tyne and Wear NE1 1UQ
Tel: 0191 2221303

* المطعم الإيراني
A Taste of Persia
14, Marlborough Crescent, Newcastle, Newcastle Upon Tyne, Tyne and Wear NE1 4EE
Tel: 0191 2210088

يعطيك الف الف عافية على الموضوع الاكثر من جميل